Iraqê bi kompanyayên amerîkî re peymanên enerjî û petrolê îmze kir

RûpelNews - Li gorî daxuyaniyek ji Ofîsa Çapemeniyê ya Serokwezîrê Iraqê, peymana ku di bin desthilata Wezareta Elektrîkê de hatiye kirin, dê di heman demê de bi peymana çarçoveyê ya ku tê plankirin di navbera Iraq û DYAyê de were îmzekirin, bikeve meriyetê.

Di sektora petrolê de, bi mebesta zêdekirina hilberînê, biryar hat dayîn ku li ser navê Kompanyaya Petrolê ya Basrayê û Kompanyaya Petrolê ya Bakur, ku her du jî girêdayî Wezareta Petrolê ne, peymanên pêşdravdanê, dabînkirina petrola xav û garantiyê bi Chevron a amerîkî re bên îmzekirin.

Pêşlihevkirin û peymana nepenîtiyê hat pejirandin

Encûmena Wezîran herwiha îmzekirina Pêşlihevkirinê (HOA) û Peymana Nepenîtiyê (NDA) di navbera Kompanyaya Petrolê ya Basrayê û konsorsiyumeke ku ji Capital TI ya amerîkî, UCC Holding a qeterî û Chevron pêk tê de pejirand.

Li gorî van peymanan, dê lêkolînên pêkanîna teknîkî û darayî derbarê projeyên xeta boriya petrolê ya Basra–Hedîsa–Kerkûk–Ceyhan û Basra–Hedîsa–Baniyas de bên kirin.

Daxuyaniyê tekez kir ku ev peyman dê ji bo Wezareta Petrolê ya Iraqê ti berpirsiyariyên darayî yên dawî bi xwe re neynin.

Encûmena Wezîran herwiha pejirand ku rojane 25 hezar bermîl petrola xav li peymana petrolê ya heyî ya di navbera Iraq û Çînê de were zêdekirin û ji bo birêvebirina van dahatan hesabek cuda were vekirin.