Îranê şertê xwe ji bo bidawîanîna şer eşkere kir

RûpelNews - Serokkomarê Îranê Mesûd Pezeskiyan li ser hesabê xwe yê fermî yê Xê ragihand ku wî bi Serokkomarê Fransayê Emmanuel Macron re bi rêya telefonê axivîye.

Di daxuyaniya xwe de, Serokkomarê Îranê, Amerîka û Îsraîlê ji destpêkirina şer berpirsyar dibîne û got, "Di axaftina min a bi Emmanuel Macron re de, min teqez kir ku Îranê ev şerê hovane dest pê nekiriye. Parastina li dijî dagirkeriyê mafekî xwezayî ye, û em di vê yekê de pir baş in." Pezeskiyan diyar kir ku welatê wî dê paşve gav neavêje û dê mafê xwe yê parastina xwe bi kar bîne.

Her wiha Pezeskiyan di daxuyaniya xwe de îdia kir ku bikaranîna baregehên leşkerî yên Amerîkî li welatên ku li Kendav û Rojhilata Navîn bi Îranê re ne ji bo êrîşên li dijî Îranê armanc dike ku zirarê bide têkiliyên cîrantiya baş bi welatên herêmê re.

Tekane şertê bidawîanîna şer

Pezeskiyan got, "Komara Îslamî ya Îranê dê teslîmî zorbazan nebe," û da zanîn ku ew li bendê ne ku civaka navneteweyî êrîşkaran razî bike ku pabendî qanûnên navneteweyî bibin.

Derbarê şert û mercên ku şer dikare bi dawî bibe de, Pezeskiyan got, "Heta ku em piştrast nebin ku di pêşerojê de êrîşên din li ser axa me çênabin, axaftina li ser bidawîanîna şer bêwate ye."