Îranê bi moşekan êrişî baregeheke Amerîkî kir

RûpelNews - Di daxuyaniyeke ku ji aliyê Sûpaya Pasdaran ve hat weşandin de, hat destnîşankirin ku di derdora Tengava Hurmizê de di navbera Amerîkayê û Îranê de êrîşên dualî pêk hatine, û hat ragihandin ku baregehên Amerîkayê yên li Kuweytê bi "êrîşên mûşekî yên rast û dijwar" hatine lêdan.

Îranê hişyarî da welatên din jî

Di daxuyaniyê de hat îdiakirin ku baregehên ku di êrîşê de hatine kirin armanc û her wiha stargehên ku ji aliyê leşkerên Amerîkî ve dihatin bikaranîn, zirar dîtine, û di heman demê de hişyarî da wan welatên ku destûrê didin bikaranîna axa an jî hewa-asîmanê xwe ji bo êrîşên li dijî Îranê.

Kûwetê daxuyanî da

Di heman demê de, çapemeniya Îranê ragihand ku li Girava Kîşê, nêzîkî Tengava Hurmizê, teqîn hatine bihîstin. Piştî van nûçeyan, artêşa Kuweytê jî ragihand ku axa welêt rastî êrîşên mûşekî û firokeyên bêmirov hatiye.

Derbarê qurbanî an jî zirara ku ji ber êrîşan çêbûye, ji çavkaniyên serbixwe ti daxuyaniyeke piştrastkirî nehatiye dayîn.