Îran: Em şer dikin lê teslîm nabin

RûpelNews - Hevpeyvîneke taybet a Serokê Îranê Mesud Pezeşkiyan di medyaya Îranê de hate belavkirin.

Pezeşkiyan ji bo lihevkirin û egera şer hin peyam da. Pezeşkiyan da zaanîn ew dixwaze peymana bi Amerîkayê re were cîbicîkirin lêbelê, wî peyam da ku eger şer bidome ew ê teslîm nebin.

Pezeşkiyan wiha axivî: "Dijminên me hesab kiribûn ku welatê me dê hilweşe û di vê çarçoveyê de wan gotibû ku tiştek dikare were kirin, lê pêvajo wekî ku wan dixwest pêş neçû. Gelê Îranê li gel me sekinî."

Pezeşkiyan îdia kir Îsraîl û Amerîka hewl didin dewletên Kendavê li dijî Îranê bihejînin û got, "Em hewl didin pêşî li vê yekê bigirin. Bê guman, em her wiha rûbirûyê kêşeyên navxweyî yên ku ji nêrînên cuda derdikevin in. Û bi awayekî xwezayî, Amerîka û Îsraîl ji vê rewşê sûdê werdigirin."