Rojhilata Navîn
Îran: Bedelê wê çi dibe bila bibe em dê Hurmuzê ji dest nedin
Cîgirê Yekem ê Serokomarê Îranê Mihemed Reza Arif, diyar kir ku bedelê wê çi dibe bila bibe ew dê Tengava Hurmuzê ji dest nedin û got ku wan ji bo demekê "bi awayekî baş ji tengavê sûd wernegirtiye.
RûpelNews - Li gorî Ajansa Nûçeyan a Tasnim a nîv fermî, Arif di civîneke ku li Tehranê beşdar bûbû de, derbarê Tengava Hurmuzê de axivî.
Arif, ku destnîşan kir ku Tengava Hurmuzê ji bo wan girîng e, got, "Em dê Tengava Hurmuzê ji dest nedin, bedelê wê çi dibe bila bibe."
Arif, ku israr dike ku Tengava Hurmuzê "milkê Îranê ye", diyar kir, " Tengava Hurmuzê jixwe ya me ye; ew milkê me bû. Me tenê ji bo demekê nekarî baş ji milkê xwe sûd werbigirin."
Di daxuyaniyeke duh de, Arif her wiha îdia kiribû ku "mafên welatê wî yên li ser Tengava Hurmuzê hatine destnîşankirin û ev mijar bi dawî bûye".