Îran: Balafirgeha Urmiyê hate armanckirin
RûpelNews - Li gorî ajansa nûçeyan a fermî ya Îranê IRNA, Rêveberê Giştî yê Rêveberiya Krîzan li Parêzgeha Azerbaycana Rojava Hemed Saffari, li ser vê mijarê daxuyaniyek da.
Safarî diyar kir, "Balafirgeha Urmiyê û çend deverên din bûne hedefa mûşekên ku ji aliyê Amerîka û dijminê siyonîst ve hatine avêtin."
Safarî agahî li ser zirara çêbûyî parve nekir, lê diyar kir ku piştî êrîşê tîmên awarte ji bo herêmê hatine şandin.
Di vê navberê de, daxuyaniyek ji Walîtiya Xuzestanê nîşan da ku du şîrketên çêkirina keştiyan li bajarê Xuremşehrê careke din rastî êrîşên hewayî hatine.
Hat ragihandin ku ewrê dûmanê ku bajar nixumandiye ji ber van êrîşan e, û ti qurbanî çênebûne.
Daxuyaniyek ji Walîtiya Yezdê ragihand ku Amerîka û Îsraîlê jî êrîşî Yezdê kirine, lê di van êrîşan de ti qurbanî çênebûne.