Birayê Deniz Naki li Balafirgeha Amedê hate desteserkirin

RûpelNews - Înan Naki, birayê futbolîstê berê yê Amedsporê Deniz Naki, li Balafirgeha Amedê ji aliyê polîsan ve hate desteserkirin.

Li gorî raporeke Ajansa Mezopotamyayê (MA), Naki êvara 13ê Tebaxê ji Almanyayê gihiştibû Amedê. Hat ragihandin ku Naki, yê ku piştî daketina ji balafirê ji aliyê polîsên balafirgehê ve hate desteserkirin, li navenda polîsan ya balafirgehê tê ragirtin.

Sedema girtinê nayê zanîn

Heta niha derbarê sedemên girtina Înan Naki de ti daxuyaniyeke fermî nehatiye dayîn.

Hat destnîşankirin ku Naki nêzîkî 10 salan e li Almanyayê ji bo tîma SV Kurdistan Düren futbolê dilîze.