Hat îdiakirin ku Trump fermana rawestandina şerê Îranê daye

RûpelNews - Di nûçeyê de tê gotin ku Trump plana êrîşê ya nû ya ku roja Înê ji aliyê artêşa Amerîkayê ve hatibû pêşkêşkirin, nepejirandiye û her wiha tê destnîşankirin ku ne diyar e ka ev biryar demkî ye an mayînde ye. Çavkaniyan ragihandin ku artêş amadekariyên xwe ji bo operasyonên nû didomîne.

Lêbelê, Trump di daxuyaniyekê de li Qesra Spî diyar kir ku vebijêrka leşkerî li dijî Îranê li ser maseyê dimîne. Trump got, "Em dikarin her tiştê ku li cem wan heye wêran bikin" û destnîşan kir ku gihîştina lihevkirinekê bi Îranê re dê bibe vebijêrka baştir.

Serokê DYAyê diyar kir ku danûstandinên bi rayedarên Îranî re berdewam in û got, "Em bi wan re diaxivin. Em amade ne ku tevbigerin, lê em di heman demê de çareseriyeke dîplomatîk jî dinirxînin."

Li gorî Axiosê, biryara rawestandina êrîşan piştî serdaneke şandeyeke dîplomatîk a Umanê bo Tehranê hat dayîn. Nûçeyê destnîşan kir ku di danûstandinên ji bo ji nû ve vekirina Tengava Hurmizê de pêşketin çêbûye û dibe ku di dawiya hefteyê de di navbera aliyan de lihevkirinek çêbibe.