Fîdan: Erdogan plan dike ku di pêşerojeke nêz de serdana Sûriyê bike

RûpelNews - Wezîrê Derve yê Tirkiyeyê Hakan Fîdan ji bo hevdîtinên fermî çû Şamê, paytexta Sûriyê. Fîdan li Balafirgeha Navneteweyî ya Şamê ji aliyê Wezîrê Derve yê Sûriyê Esad Hesen Şeybanî ve hat pêşwazîkirin.

Fîdan piştî hevdîtina xwe ya bi Şeybanî re axivî û destnîşan kir ku têkiliyên Tirkiye-Sûriyê di du salên borî de lezeke girîng wergirtine û got, "Serdanek ji aliyê Serokomarê me ve ji bo Sûriyê di pêşerojeke nêz de tê plankirin. Di vî warî de, serdana me jî xwedî girîngiyeke mezin e."

Daxuyaniya HSDê

Fîdan daxuyaniya HSDê ya derbarê hilweşandina xwe de wekî "girîng û biqîmet" bi nav kir û lê zêde kir, "Divê ev pêngav bêyî derengî bikeve meriyetê û meydanî were cîbicîkirin."

Fîdan, Îsraîl bi hewldana bêaramkirina Sûriyê tawanbar kir û got ku êrîşên Îsraîlê têkoşîna li dijî terorê lawaz dikin û "piştgiriyê didin rêxistinên terorîst ên wekî DAIŞê".

Fîdan her wiha destnîşan kir ku karsaz û pîşesazên tirk eleqeyeke mezin nîşanî projeyên hevpar ên li Sûriyê didin û lê zêde kir, "Em dixebitin ku bingeha wê deynin û binesaziyê amade bikin."

Wekî beşek ji serdana Fîdan, tê payîn ku ew ji aliyê Serokomarê Sûriyê Ehmed Şera ve were pêşwazîkirin û bi Wezîrê Karên Navxwe Enes Xetab re hevdîtinan bike.