Erdogan peyamek li ser pêvajoyê da: Ji vê veger nîne
RûpelNews - Serokomarê Tirkiyeyê Recep Tayyip Erdogan beşdarî Pêşangeha Pîşesaziya Parastin, Hewayî û Fezayê ya Navneteweyî SAHA EXPO 2026 a li Navenda Pêşangehan a Stenbolê bû.
Erdogan di axaftina xwe ya liv ir, derbarê pêvajoya ku li Tirkiyeyê didome de ev tişt gotin:
"Pêngava herî stratejîk a ku me îro ji bo xurtkirina parastinên xwe yên navxweyî avêt, pêvajoya 'Tirkiyeyeke Bê Teror' û armanca herêmeke bê teror e. Ew navê vîzyoneke mezin e ku armanca wê avakirina paşerojeke aştiyane ye bi yekirina Tirkiyeyê û welatên cîran ên wê bi rêya eniyên wan ên navxweyî. 'Tirkiyeyeke Bê Teror' keleheke li dijî wê perçebûna ku li herêma me tê xwestin e. Navenda îdeolojîk û siyasî ya vê kelehê, bêguman, Hevpeymaniya Cumhur e. Lêbelê, handera vê pêvajoyê ew armanc in ku neteweya tirk ji mêj ve heq kiriye ku bi dest bixe. Ev armanc bi nêzîkatiya bi bawerî ya ku ji hêla netewe û dewleteke dûrbîn, wêrek û mezin ve tê peydakirin, tê bidestxistin. Piştî nîv sedsalê têkoşînê, dewlet û neteweya Tirkiyeyê biryardariya xwe ya ji bo xilasbûna ji terorê nîşan dane. Wan helwesteke pir zelal girtine. Di bingeha vê biryardariyê de bîranîna pîroz a wan lehengan heye ku jiyana xwe ji bo welat û neteweya xwe feda kirine.
Di bingeha vê biryardariyê de sebata dayik û bavên ku, bi gotina 'Bila welat bijî', zarokên xwe di hembêza axa reş de spartin axê û xemgîniya xwe di kûrahiya dilê xwe de veşartin, heye. Di bingeha vê biryardariyê de hevjînên şehîdan, zarokên şehîdan û xizmên şehîdên me hene; di wir de fedakariyên veteranên me hene.
Bi kerema Xwedê, ji vê yekê paşvekişîn tune ye û dê tu carî jî çênebe. Bi bi awayekî qayîm damezrandina atmosfereke hezkirinê û xurtkirina hişmendiya biratiyê, bi hilweşandina dîwarên dijminatiyê yek bi yek û qirkirina rehên nakokiyê, bi bi temamî rakirina siya xwînî û tarî ya terore, ligel sedemên wê, ji van axan; em dê, bi izna Xwedê, bi hev re nîşanî tevahiya cîhanê bidin ku fedakariyên şehîd û gaziyên me yên hêja ne bêfeyde bûne. Em bawer dikin ku, bi destûra Xwedê, em dê bi ser bikevin. Em bi biryar in û bi izna Xwedê, em dê bigihîjin armanca xwe."