Rojhilata Navîn
Encûmena Ewlekariyê ya Neteweyên Yekbûyî bilez dicive
Encûmena Ewlekariyê ya Neteweyên Yekbûyî (EENY) biryar da ku li ser bingeha pêşketinên dawî yên li Rojhilata Navîn, piştî êrîşên ku ji aliyê Amerîka û Îsraîlê ve li dijî Îranê hatin destpêkirin, civîneke lezgîn li dar bixe.
RûpelNews - Di daxuyaniya ku ji aliyê Neteweyên Yekbûyî (NY) ve hat ragihand deh hat gotin ku, Konseya Ewlekariyê ya NY dê îro saet di 16:00 de li gorî dema New Yorkê, di bin sernavê "Rewşa li Rojhilata Navîn" de bicive. Tê payîn ku civîn balê bikişîne ser alozî û rîskên ewlehiyê yên li herêmê zêde dibin.
Îranê banga mûdaxaleya lezgîn kir
Wezareta Derve ya Îranê êrîşên Amerîka û Îsraîlê wek binpêkirineke eşkere ya yekparçeyiya axa welêt û serweriya neteweyî bi nav kir û bang li NYê kir ku tedbîrên lezgîn bigire.
Vê mehê serokatiya Konseya Ewlekariyê ya NY di destê Brîtanyayê de ye, û sibe Amerîka dê serokatiyê werbigire, ku dê di meha Adarê de bikeve meriyetê.