Elî Zeydî: Komkujiya li dijî Barzaniyan nekarî têkoşîna gel rawestîne

RûpelNews - Serokwezîrê Iraqê Elî Zeydî bi rêya platforma medyaya civakî Xê daxuyaniyek da ji bo bîranîna 43yemîn salvegera Enfala Barzaniyan ya ku ji aliyê rejîma Beasê ve hatibû kirin.

Di daxuyaniya xwe de Zeydî destnîşan kir ku komkujiya ku ji aliyê rejîma Beasê ve li dijî tevgera neteweyî ya kurd hatiye kirin, beşek ji siyaseta zordestiyê bû ku armanca wê jêbirina nasnameya gelê kurd, her wiha gorên komî û siyaseta tirsê bû.

Zeydî diyar kir ku van polîtîkayan nekarî îradeya gelê Iraqê ya li dijî dîktatorî û zordestiyê bişkînin û lê zêde kir ku rejîma Beasê negihîştiye armanca xwe.

Peyama sersaxiyê ji bo Serok Barzanî û PDKê

Di peyama xwe de, Serokwezîr Zeydî sersaxiya xwe ji gelê kurd, serokatiya Partiya Demokrat a Kurdistanê (PDK) û Serok Mesûd Barzanî ragihand.

Zeydî destnîşan kir ku fedakariyên mezin ên Barzaniyan, ligel têkoşîna hemû pêkhateyên civaka Iraqê, beşdarî anîna azadiyê bo welêt û avakirina sîstemeke federal a demokratîk bûne û diyar kir ku bi saya van têkoşînan, nîzamek wisa hatiye avakirin ku tê de niha hemû welatî ji mafên destûrî, rûmet û rêzgirtina dualî sûd werdigirin.

Di dawiya daxuyaniya xwe de Zeydi tekezî li ser girîngiya yekîtiya neteweyî û hevkariyê di rûbirûbûna hemû astengiyên li pêşiya Iraqê de kir û got: "Em dê ji bo Iraqeke bihêz, azad û bi temamî serwer bi dilpakî xebata xwe bidomînin."