Di navbera Îran û Azerbaycanê de qeyrana geştên asmanî

RûpelNews - Balafireke kompaniya hewayî ya Îranî "Varesh Airlines" ku ji Tehranê ber bi Duşanbeyê ve diçû, piştî ku destûra bikaranîna qada hewayî ya Azerbaycanê jê re nehat dayîn, nekarî geşta xwe temam bike û vegeriya Tehranê.

Hat ragihandin ku balafirê ku geşta VRH6805 pêk tanî piştî nêzîkî saetek û heşt xulekan ji dema rabûna ji Tehranê, li heman balafirgehê daket.

Azerbaycanê berê ragihandibû ku piştî sepandina cezayên Amerîkayê li ser sektora hewavaniyê ya Îranê, firînên kompaniyên hewayî yên Îranî yên bo wî welatî ji 22yê Îlonê ve tên rawestandin.

Ev pêşhat nîşan dide ku sînordarkirinên Azerbaycanê yên li ser kompaniyên hewayî yên Îranî, ne tenê bandorê li firînên rasterast dikin, lê her wiha bandorê li rêyên transîtê yên ku ji aliyê kompaniyên li Îranê ve li seranserê herêmê têne bikaranîn jî dikin.