Di heyama nû de dê piştgirya Koolîsyonê ji bo Pêşmerge bidome an na?

RûpelNews - Çavkaniyek ji Wezareta Pêşmergan diyar kir ku bi bidawîbûna peymana çar-salî ya ku serdema ji 21ê Îlona 2022an heta 21ê Îlona 2026an li xwe digire, piştgiriya darayî ya koalîsyonê jî bi dawî bûye.

Li gorî daxuyaniyeke berê ya Wezaretê, dravdaneke têkildarî serdema Tebax û Îlona 2026an dê di 24ê Îlonê de were kirin. Hatibû ragihandin ku ev dravdan dê bibe piştgiriya darayî ya dawî ya ku di bin peymana heyî de tê pêşkêşkirin.

Gotinên li ser peymaneke nû di rojevê de ne

Çavkaniya Wezaretê got ku ew hêvîdar in ku tevî bidawîbûna piştgiriya darayî, dê peymaneke nû û berfirehtir were girêdan.

Çavkaniyê destnîşan kir ku, ji bilî Amerdîkayê, tê payîn ku welatên wekî Almanya, Brîtanya, Îtalya û Fransa jî piştgirî û alîkariya xwe ji bo pêvajoya yekkirina hêzên Pêşmergeyê bidomînin.

Tê ragihandin ku yek ji armancên sereke yên piştgiriya koalîsyona navneteweyî ji bo hêzên Pêşmergeyan ew e ku beşdarî yekbûna wan bibe. Wezareta Karên Pêşmergeyan di 21ê Îlona 2026an de ragihandibû ku pêvajoya yekkirina hemû hêzên Pêşmergeyan bi awayekî fermî bi dawî bûye.

Şoreş Îsmaîl: Piştgirî her sal kêm bûye

Wezîrê Pêşmergeyan Şoreş Îsmaîl, her wiha diyar kir ku piştgiriya darayî li ser bingeha peymaneke çar-salî bû.

Îsmaîl, got ku alîkariya darayî ya ku di çarçoveya peymanê de dihate dayîn, her sal ji sedî 25 kêm bûye û beşa dawî ya piştgiriyê dê di sala 2026an de bi dawî bibe.