Rojhilata Navîn
Derbaskirina ajelan ji Sûriyê bo gelek welatan hat rawestandin
Hikûmeta Iraqê derbaskirina ajelan ji Sûriyê bo Iraq û welatên Kendavê rawestand.
RûpelNews - Wezareta Çandiniyê ya Iraqê îro di daxuyaniyekê de ragihand ku ji ber belavbûna nexweşiya kulbûna dev û lingan li hin parêzgehên Sûriyê, wan derbaskirina ajelan ji Sûriyê bo Iraq û welatên Kendavê rawestand.
Wezaretê diyar kir ku ev rêkar ji bo parastina ajelên xwecihî ye û girtina rê li pêş belavbûna nexweşiyan e.
Beriya demekê hikûmeta Sûriyê hinardekirina ajelan bo welatên kendavê bi rêya Urdinê rawestand û dest bi veguhestina ajelan bo welatên kendavê bi rêya dergehê El-Tenef yê sînorî bi Iraqê re kir, ev yek tê piştî ku Urdinê li ser her seriyek pez 60 dolar weke bac distand, li gorî yekîtiya odeyên bazirganiya Sûriyê.