Cevdet Yilmaz derbarê Ocalan û Demirtaş de daxuyanî belav kir
RûpelNews - Cîgirê Serokkomar Cevdet Yilmaz li ser wê pirsê nirxandin kir ku gelo "zagona çarçove" ya ku ji aliyê TBMMê ve hatiye derxistin, dê derbasî Abdullah Ocalan û Hevserokê berê yê HDPyê Selahattin Demirtaş bibe yan na. Yılmaz bi bîr xist ku ew rêzikname ne ji bo kesekî taybet hatiye amadekirin û got: "Dema mirov behsa rêziknameyekê dike, ew ne tiştek e ku tenê kesekî taybet eleqedar bike."
Yilmaz diyar kir ku mijara têkildarî Abdullah Ocalan li derveyî çarçoveya rêziknameya heyî dimîne û got: "Divê em niha encaman bi dest bixin; divê em welatê xwe ji vê pirsgirêka 50-salî rizgar bikin."
Yilmaz di bersiva pirsa ka gelo Demirtaş dikare ji vê rêziknameyê sûd werbigire yan na de got: "Dema mirov behsa rêziknameyekê dike, ew ne tiştek e ku tenê kesekî taybet eleqedar bike. Hûn rêziknameyeke giştî yanî bendeke yasayî derdixin û kî di çarçoveya wê de bimîne, ew jê sûd werdigire. Yên ku dê di vê derbarê de biryarê bidin, rayedarên dadweriyê yên têkildar in."
Bahçeli çi gotibû?
Serokê MHPyê Devlet Bahçeli berê gotibû ku divê "mafê hêviyê" ji Abdullah Öcalan re bê dayîn û Selahattin Demirtaş jî bê berdan.
Bahçeli di daxuyaniya xwe ya derbarê mijarê de gotibû: "Divê Öcalan vegere hêviyê û Demirtaş jî vegere malê."