CENTCOM: Pêla 13emîn a êrîşên li dijî Îranê bi dawî bû
RûpelNews - Di daxuyaniyeke ku li ser hesabê X ê CENTCOMê hat weşandin de, hat diyarkirin ku operasyon di saet 04:00an de bi awayekî "serkeftî" bi dawî bûye; herwiha hat ragihandin ku navendên fermandariyê yên Îranê, depoyên balafirên bêmirov (UAV), torên ragihandinê, navendên çavdêriya peravê û kapasîteyên deryayî bûne armanc.
Di daxuyaniyê de hat destnîşankirin ku armanca operasyonan kêmkirina wan gefan bû ku Îran li dijî keştiyên bazirganî û tevgera deryayî ya sivîl li Tengava Hurmûzê çêdike.
CENTCOMê got: "Tengava Hurmûzê, ku rêyeke avî ya navneteweyî ye, tevî êrîşên vê dawiyê yên Supaya Pasdarên Şoreşa Îranê, vekirî dimîne. Keştiyên bazirganî bi piştgiriya artêşa Amerîkayê bi awayekî ewle derbasbûna xwe ya ji tengavê didomînin."
Herwiha, CENTCOMê ragihand ku nêzîkî 50 hezar leşkerên Amerîkayê li herêmê hatine bicihkirin.