Brîtanyayê peyama êrîşê da Îranê

RûpelNews - Di daxuyaniyekê de, berdevkê hikûmetê destnîşan kir ku Hêzên Çekdar ên Brîtanyayê ji bo gefên ji navxwe an derveyî welêt amade ne û got: "Brîtanya amade ye ku 24 saetan xwe biparêze."

Berdevk diyar kir ku berevaniya hewayî û ya mûşekî bi hevkariya nêzîk a ligel hevalbendên NATOyê têne xurtkirin, û her wiha tekez kir ku Brîtanya pabendî yasayên navneteweyî ye û baldar e ku nebe beşek ji pevçûneke berfirehtir.

Bingehên Brîtanyayê di navenda nîqaşê de ne

Herçend Brîtanya destûrê dide Washingtonê ku ji wan bingehên ku personel û balafirên şer ên DYAyê lê bi cih bûne operasyonên berevaniyê pêk bîne, lê wê ragihandiye ku ew beşdarî operasyonên rasterast ên êrîşkar ên li dijî Îranê nabe.

Berevajî vê yekê, Wezareta Karên Derve ya Îranê hikûmeta Londonê bi "hevkarîkirin" di operasyonên leşkerî yên bi pêşengiya Amerîkayê de tawanbar kiriye. Di vê navberê de, Supaya Pasdaran hişyarî da ku hemû welatên ku piştgiriya leşkerî didin DYAyê, "dê ji ber encaman berpirsiyar bên girtin."