Berdevkê HSDê: Divê zimanê kurdî li herêmên kurdî zimanê sereke be

RûpelNews - Şamî bal kişand ser nasnameya kurdî ya herêmên wekî Efrîn, Kobanî û Dêrikê û diyar kir ku divê kurdî li van herêman "zimanê yekem û sereke" be.

Bertek li hember tabloyên tirkî

Şamî, ku hin wêneyên tabelayên tirkî jî parve kir, diyar kir ku ev rewş divê wekî "berdewamiya zîhniyeta Baasê" neyê hesibandin, lê belê divê ev zîhniyet bi tevahî ji holê were rakirin.

Di daxuyaniya xwe de, Şamî diyar kir ku "serweriya rastîn divê li dijî destwerdanên derve be, ne li dijî pêkhateyên Sûriyeyê be," û tekez kir ku divê zimanên komên etnîkî û olî yên cuda bi wekhevî werin parastin. Şamî di posta xwe de ev daxuyanî dan:

"Baas ramanek bû, û heke em dixwazin Baas bi dawî bibe, divê ev raman bimire. Serweriya rastîn divê li dijî destwerdanên derve be, ne li dijî pêkhateyên Sûriyeyê. Ji Efrîn û Kobaniyê bigire heya Dêrikê, ev herêmên Kurdî ne; ji ber vê yekê, li gorî têgihîştina ku di navbera pêkhateyan de cudahî dike, divê Kurdî zimanê yekem û yekane be. Serweriya Kurd û Suryaniyan, mîna gelên din, bi zimanên wan bi xwe tê bidestxistin."

Şamî her wiha diyar kir ku polîtîkayên dûrxistinê dabeşbûnên civakî kûrtir dikin û bertekên li dijî van têgihîştinan "meşrû" ne.