Bavê Lionel Messi koça dawî kir

RûpelNews - Li gorî nûçeyên çapemeniya Arjantînê ku dispêrin malpera Infobae, Jorge Messi roja Înê, 7ê Tebaxê, derdora saet 10ê şevê li nexweşxaneyeke bajarê Rosario yê Arjantînê, ku lê dihat dermankirin, jiyana xwe ji dest da.

Hat ragihandin ku Jorge Messi ev demek bû ji ber pirsgirêkên cidî yên tenduristiyê dikişand û di bin çavdêriya bijîşkan de bû.

Malbata wî berê hûrgiliyên derbarê rewşa tenduristiya wî de parve kiribûn.

Di meha Hezîranê de hin gotegot derbarê tenduristiya Jorge Messi de derketibûn û wê demê nûçeyên derewîn ên derbarê koça dawî ya wî de belav bûbûn.

Di daxuyaniyeke wê demê de, malbata Messi ragihandibû ku Jorge Messi ji ber pirsgirêkên tenduristiyê di bin çavdêriya bijîşkan de ye û pêvajoya dermankirina wî berdewam dike.