Banga yekbûnê di bin sîwana Artêşa Neteweyî ya Kurdistanê de
RûpelNews - Peyameke vîdyoyî ya Rûbar Leylaxî li ser hesabê X yê Partiya Azadiya Kurdistanê (PAK) hate parvekirin.
Leylaxî, amaje bi hevpeymaniya ku ji aliyê partiyên Rojhilatê Kurdistanê ve hatibû ragihandin kir û destnîşan kir ku li dû vê geşedanê, yekbûna hêzên Pêşmerge jî careke din ketiye rojevê.
Leylaxî got, "Bi dîtina Partiya Azadiya Kurdistanê, danîna bingeha Artêşa Neteweyî ya Kurdistanê pêwîst û bingehîn bû. Ji ber vê sedemê, Partiya Azadiya Kurdistanê armanc dike ku artêşeke neteweyî, bêalî ava bike ku di sala 2020an de li ser bingeha Dewleta Komara Kurdistanê hatiye damezrandin û heman navê Artêşa Neteweyî ya Kurdistanê hildigire."
Bal kişand ser gefan
Leylaxî wiha domand:
"Ji perspektîfa Partiya Azadiya Kurdistanê, ev avabûn, ku bi serê xwe artêşeke piralî ye, gelek gefan dihewîne. Di nav van gefan de metirsiya pevçûna çekdarî ya ji ber nêrînên siyasî yên cuda, derketina şerê navxweyî û pevçûnên di navbera hêzên çekdar de li Rojhilatê Kurdistanê hene.
Eger Rojhilat di nav vê artêşê de bibe yek, hêz û şiyanên neteweya me jî dê bibin yek û ev dê bextewerî, ewlehî û hêviyê bîne bo neteweya me. Wekî din, ev rewş ji perspektîfa navneteweyî ve cuda tê nirxandin.
Ji ber vê yekê, em vê gavê ji nû ve piştrast dikin û bawer dikin ku çi qas zû hevpeymana partiyên siyasî li Rojhilatê Kurdistanê were avakirin û bikeve diyalogê, ji bo danîna bingeha wê artêşa hevpar, ew qas baştir e. Ji bo zelalkirinê, em ji bo Artêşa Neteweyî ya Kurdistanê israr dikin, ji ber navê wê yê dîrokî, bêyî ti rojeva partiyan an jî dîtina vê yekê wekî destkeftiyeke partîzanî.
Giringî li ser cilûber û logoyê
Rubar Leylaxî diyar kir: "Di gava yekem de, em li bendê nînin ku ev artêş bi hev re were damezrandin an jî her tişt were temamkirin. Lêbelê, em dikarin pêngava yekem bavêjin; ango, damezrandina jûreke operasyonan an navendeke hevpar.
Bêguman, artêşeke wiha divê wekî beşek ji operasyonên xwe xwedî cilûberg, logo û kanalên xwe yên ragihandinê yên taybet be. Tê hêvîkirin ku gavên pêwîst ji bo yekirina hemû hêzên çekdar ên Rojhilatê Kurdistanê di nav Artêşa Neteweyî ya Kurdistanê de dê bêyî derengî bên avêtin."
ڕووبار لەیلاخی،ئەندامی فەرماندەیی سپای میللیی کوردستان لە سەر پێویستیی کۆتاییهێنان بە فرەلەشکریی و یەکخستنی هێزەکان لە سپای میللیی کوردستان دا،دەدوێ:
— پارتی ئازادیی كوردستانPAK (@PAKOfficially) March 17, 2026
ئەم ڕۆژانە پاش ڕاگەیاندنی هاوپەیمانیی پارتە سیاسییەکانی ڕۆژهەڵاتی کوردستان،قسەوباسی یەکخستنی هێزەکانی پێشمەرگەیش لە سپا وهێز و… pic.twitter.com/yFacy4VhQJ