Balyozxaneya DYAyê ji karmendan re: Îsraîlê biterikînin
RûpelNews - Di daxuyaniya Balyozxaneya Dewletên Yekbûyiyên Amerîkayê (DYA) ya li Îsraîlê de hat ragihandin ku biryar piştî bûyerên ewlehiyê yên li herêmê hatiye girtin.
Di daxuyaniyê de hat gotin: "Di 27ê Sibata 2026an de, Wezareta Derve destûr da karmendên hikûmeta Amerîkayê yên ne-krîtîk û endamên malbatên wan ku ji ber metirsiyên ewlehiyê ji balyozxanya li Îsraîlê derkevin."
Di daxuyaniyê de her wiha hat destnîşankirin ku, li gorî geşedanan û bêyî agahdariya pêşwext, balyozxane dibe ku rêwîtiya karmendan û malbatên wan bo hin deverên Îsraîlê, Bajarê Kevin ê Orşelîmê û Şerîeya Rojava sînordar bike an jî bi temamî qedexe bike.
Her wiha hat tekezkirin ku di dema ku geştên bazirganî berdewam dikin de, divê karmend û malbatên wan derketina ji welêt bifikirin.
NYT: Balyoz Huckabee ji karmendan re got "di zûtirîn dem de ji Îsraîlê derkevin"
Li gorî e-maîleke ku ji aliyê New York Times ve hatiye bidestxistin, Huckabee diyar kir ku hişyariya wî "ji bo tedbîrê" bû.
Balyoz Huckabee got, "Heke hûn dixwazin ji welêt derkevin, îro bikin."
Huckabee bang li karmendan kir ku ji bo her welatekî ku ew dikarin ji Balafirgeha Ben Gurionê lê bigerin, rezervasyonan çêbikin û got: "Hûn dikarin biçin her cihê ku hûn dikarin ji wir berdewam bikin û biçin paytext, Washingtonê."