Amerîkayê Rûsya sûcdar kir

PeyamaKurd – Hate ragihandin ku hêzên leşkerî yên Rûsyayê li Sûriyeyê protokola hewayî ya di navbera Rûsya û Amerîka û hêzên Koalîsyonê de bi awayekî yekalî binpê kirine.

Rayedarekî Amerîkî ragihand, Rûsyayê protokola asmanî ya ku ji bo pêşîgirtina li aloziya di navbera hêzên Amerîka û hevpeymaniyê û hêzên Rûsyayê di şerê li dijî DAIŞê de hatibû îmzekirin, bi awayekî yekalî bidawî anî.

Berdevkê Fermandarîya Navendî ya Hêza Hewayî ya Amerîkayê (AFCENT) ji kanala nûçeyan a Al Arabiya re got, "Her çend pîlotên me li ser van protokolên lihevkirî tevdigerin. Artêşa Rûsî vê dawiyê hilbijart ku bi zanebûn van peymanan binpê bike bi dûrketina ji standardên ku ji Hêza Hewayî ya profesyonel tê hêvî kirin."

Rayedarê Amerîkî got jî ku balafirên Rûsî bi awayekî ne ewle û neprofesyonel tevdigerin, manevrayên êrîşkar dikin û êrîşên neşer li ser deverên operasyonê yên Amerîkî bi frekansa zêde dikin.

Di meha Adarê de, fermandarê Amerîkî yê berpirsê operasyonên asmanî li Rojhilata Navîn, Korgeneral Alexus Grynkewich ragihandibû ku balafirên Rûsî 25 caran esmanê asmanî li ser bingehên Amerîkî binpê kirine.

Rûsya bi heman awayî îdia dike ku pîlotên Amerîkî kiryarên neprofesyonel, wek aktîvkirina pergalên çekan, li nêzîkî balafirên Rûsî pêk anîne.

Berdevk bal kişand ser van sûcdarkirinên ku Wezareta Parastinê ya Amerîkayê bi tundî şermezar dike û got, "Em bi zanebûn helwesta xwe ya kêmkirina rageşiyê digirin ji bo ku tu çek û sînyala ji balafirên Rûsyayê re neyê aktîfkirin. Gotinên berovajî vê yekê derew in û bi zanebûn provokatîf in."