Amerîkayê berpirsekî DAISê xist lîsteya cezayan: ‘Ji Tirkiyê pere disandin Afganistanê’

PeyamaKurd - Amerîkayê yek ji berpirsên baskê DAIŞê li Afganistanê DAIŞ-Xorasan Îsmetullah Xalozayî, xist nava lîsteya dorpêçan.

Wezareta Xezîneya Amerîkayê ragihand, berpirsê DAIŞê li Afganistanê Xalozayî navbênkariya fînansên navneteweyî kiriye û daye zanîn:  “Ji bo payebilindên DAIŞê bi gelek erkan rabûye. Bi taybet jî di mijara xebatên darayî de.”

Di daxuyaniyê de hatiye gotin ku Xalozayî 2 sal in ji Tirkiyê bi rêya sîstema hewaleyan, pere ji bo DAIŞa Afganistanê re dişandin.

Herwiha Îsmetullah Xalozayî çekdarên biyanî jî dişandin Afganistan û derdora wê.