Aldar Xelîl: Rejîm bi me re li hev bike, wê krîza aborî nemîne

PeyamaKurd - Endamê Desteya Rêveber ê TEV-DEMê Aldar Xelîl di bernameyeke Ronahî TVyê de bidawîkirina krîza aborî ya li Sûriyê bi lihevkirina Rêveberiya Xweser û rejîmê ve girê da û got, lihevkirina navbera Rêveberiya Xweser û Rêjîma Sûriyê wê krîza aborî bi dawî bike, cezayên aborî li ser Sûriyê bişkîne û dagirkeriya Tirkiyê bi dawî bike.

Aldar Xelîl li ser rewşa aborî diyar kir ku, ev krîz encama şerê 9 salan e û heta niha desteka Rûsya, Îran, Çîn û bankên Lubnanê hiştiye ev aborî li ser lingê xwe bimîne.

Xelîl destnîşan kir ku, paşguhkirina Rêjîmê ji xwestekên gel re, hişt welatên mezin destê xwe werdin û cezayan lê bibirin û ev sedema sereke ya krîzê ye

 Aldar Xelîl, ji Rêveberiya Xweser jî xwest, aboriya civakî bi pêş bixe û wiha pê de çû:

“Sûriyê di aliyê çandiniyê de xurt e ji ber vê yekê divê gel aboriyaa xweser li herêmên xwe bipêş bixin û li gorî siyaseta destgirtinê tevbigerin.”