3 namzedên serokomariya Tûnisê diyar bûn

PeyamaKurd – Komîsyona hilbijartinan a Tûnisê ragihand ku destûr bo 3 namzedên serokomar bo hilbijartinan hatiye dayîn.

Serokomarê Tûnisê yê niha Qeys Sêîd cara ewil sala 2019an hatibû ser kar û piştî di sala 2021ê de serokwezîr ji wezîfê wergirtibû parlamentoya welat jî hilweşandibû.

Wê Tûnis piştî 5 salan 6ê Cotmeha 2024an ji bo hilbijartina serokomarê nû biçe ser sindoqan ku komîsyona hilbijartinan ragihand navê Qeys Seîd, Zouhair Magzhaoui û Ayachi Zammel ji bo namzediyê hatiye pejirandin.

Biryar e kampanyeya hilbijartinê 14ê Îlonê dest pê bike. Beriya navê wî fermî bibe jî namzedê serokomariyê Ayachî Zammel vê sibehê hatibû binçavkirin.