Yekîtiya Ewropayê maweya cezayên li ser Îranê dirêj kir

RûpelNews - Di daxuyaniyeke nivîskî ya Encûmena YE'yê de hat ragihandin ku dema tedbîrên sînordarkirinê yên ku wek bersiv li dijî binpêkirinên giran ên mafên mirovan li Îranê hatibûn danîn, heta 13'ê Nîsana 2027'an hatiye dirêjkirin, û di lîsteya nû de bi giştî 262 kes û 53 sazî hene.

Hat destnîşankirin ku cezayên navborî qedexeyên rêwîtiyê û rawestandina bikaranîna sermayeyan di nav xwe de dihewînin, û herwiha hat diyar kirin ku hinardekirina amûrên ku dikarin ji bo tepeserkirina navxweyî li Îranê werin bikaranîn, û teknolojiyên ji bo şopandina telekomunîkasyonê, qedexe ye.

Yekîtiya Ewropayê  di sala 2011an de wek bertekek li hember binpêkirinên giran ên mafên mirovan li Îranê cezayên xwe yên yekem danîn û ji wê demê ve her sal van tedbîran dirêj kiriye.