WHO: Belavbûna Hantavirusê bi dawî bû

RûpelNews - Di konferansa çapemeniyê ya heftane ya WHOyê de Ghebreyesus diyar kir ku kesê dawî yê ku hatibû tespîtkirin bi kesekî vegirtî re di têkiliyê de bûye, dema xwe ya karantînayê temam kiriye, testa wî neyînî derketiye û ew hatiye berdan.

Ghebreyesus got, "Ji 25ê Gulanê ve tu bûyerên nû nehatine ragihandin. Ji ber vê yekê em li WHOyê bi kêfxweşî radigihînin ku belavbûn bi dawî bûye," û lê zêde kir ku di dema belavbûnê de bi giştî 13 bûyer hatibûn tespîtkirin, ku sê ji wan jiyana xwe ji dest dabûn.

Zêdetirî 650 kes hatin şopandin

Ghebreyesus diyar kir ku di dema şewbê de, rayedarên tenduristiyê yên li 33 welat û herêman zêdetirî 650 temaskar tespît kirine û şopandine.

Ghebreyesus diyar kir ku, tevî ku şewb bi dawî bûye jî, WHO dê xebata xwe bi hikûmet û hevkarên navneteweyî re bidomîne da ku hantavirus baştir fêm bike, û ragihand ku ew li ser xebateke ku 21 welatan di nav xwe de digire koordînasyonê dikin da ku pêvajoya nexweşiyê û dînamîkên veguhestina wê lêkolîn bikin.

Armanc amadekarîya ji bo şewbên paşerojê ye

Ghebreyesus got ku armanca lêkolîna ku tê meşandin ew e ku ji bo pêşxistina rêbazên teşhîsê, vebijarkên dermankirinê û vaksînên li dijî şewbên potansiyel ên hantavirusê yên paşerojê bibe alîkar.

Rêveberê Giştî yê WHO herwiha spasîya hemû welatên ku di çarçoveya Rêziknameyên Tenduristî yên Navneteweyî de piştgirîya pêvajoya bersivdana şewbê kirine, kir.