Wezîrê Derve yê DYAyê Rubio: Em îro li benda bersiva Îranê ne
RûpelNews - Rubio ev tişt li Roma ya paytexta Îtalyayê, ji rojnamevanan re gotin.
Dema ku derbarê aloziya ku duh (Pêncşem 7ê Gulanê) li Tengava Hurmuzê qewimî pirs jê hat kirin, Rubio amaje bi navê ku ji aliyê DYA û Îsraîlê ve ji êrîşên wan ên li ser Îranê re hatibû danîn, 'Epic Fury', kir û got, 'Ev ji Operasyona Epic Fury cuda û ji wê yekê bû.'
Rubio, got Îranê êrîşî wan kiriye û wan jî bersiv daye û got, "Lêbelê, welatên ehmeq bersiva wan kesan nadin ku êrîşî wan dikin."
Rubio her wiha behsa danûstandinên berdewam ên bi Îranê re kir û got, "Em niha li benda bersivekê ne ji Îranê. Me hîn ew wernegirtiye. Ez hêvî dikim ku pêşniyareke wan a cidî hebe."
"Hin welatên ewropî destûr nedan ku em baregehên NATOyê bi kar bînin"
Rubio helwesta welatên NATOyê rexne kir û diyar kir, "Hin welatên ewropî di rewşên awarte yên krîtîk de destûr nedan ku em baregehên NATOyê bi kar bînin û astengî li pêşiya mîsyonên me danîn."
Rubio, ku amaje bi wê yekê kir ku van astengiyan rîskên, her çiqas biçûk bin jî, çêkirine, got, "Yek ji sedemên sereke yên hebûna DYA di NATOyê de, şiyana xwedîbûna li hêzên ku em dikarin li Ewropayê bi cih bikin û ber bi rewşên din ên potansiyel ve bişînin bû. Êdî rewş ne wisa ye; em ê vebijarkên xwe yên din binirxînin."