Tirkiye
Wezîr Şimşek derbarê enflasyonê de axivî
Wezîrê Gencîne û Darayî yê Tirkiyeyê, Mehmet Şîmşek, diyar kir ku pêvajoya kêmkirina enflasyonê tevî astengiyên cîhanî û demsalî berdewam dike û ragihand ku enflasyona salane gihîştiye ji sedî 31.5an.
RûpelNews - Di nirxandineke ku li ser hesabê xwe yê medyaya civakî parve kir de, Şîmşek destnîşan kir ku tevî zêdebûnên demsalî yên di lêçûnên perwerdehiyê de û guherbarîya di bihayên sotemeniyê de ya ji ber şer, meyla daketinê ya enflasyonê hatiye parastin.
Şîmşek destnîşan kir ku enflasyona bingehîn a salane daketiye %15.9 – asta xwe ya herî nizm ji Mijdara 2020an vir ve – û ragihand ku enflasyona kirê ya salane jî daketiye asta xwe ya herî nizm a 46 mehên dawî.
"Armanca me aramiya bihayê ya mayînde ye"
Şîmşek diyar kir ku wan ji bo sînordarkirina bandora şokên bihayê yên cîhanî li ser enflasyonê gav avêtine û destnîşan kir ku polîtîkayên mayînde li gorî armanca aramiya bihayê ya mayînde tên meşandin.