Trump: Ukrayna û Rûsya dê êrîşî tesîsên enerjiyê nakin
RûpelNews - Serokê Amerîkayê Donald Trump derbarê şerê di navbera Ukrayna û Rûsyayê de, bi rêya hesabê xwe yê medyaya civakî daxuyaniyek da.
Trump bi bîr xist ku her du welat li ser wê yekê li hev kirine ku êrîşî armancên enerjiyê yên hev nekin û got: "Ukrayna razî bûye ku êrîşî armancên enerjiyê yên Rûsyayê neke. Rûsya jî razî bûye ku heman tiştî bike."
Trump her wiha behsa bilindbûna bihayên mazotê li ser asta cîhanê kir. Wî diyar kir ku Îran ne sedema bingehîn a zêdebûna bihayê ye û da zanîn ku ev zêdebûn bi giranî ji ber Şerê Rûsya û Ukraynayê çêbûye.
Bihayên mazotê li Amerîkayê gihîştin asta herî bilind a dîrokî
Di demên dawî de, ji ber kêmbûna dabînkirinê, bihayên mazotê li Amerîkayê bi awayekî berçav zêde bûn. Hefteya borî, navîniya bihayê mazotê li wî welatî ji bo cara yekem sînorê 6 dolaran ji bo her galonekê derbas kir.
Li gorî daneyên Komeleya Otomobîlan a Amerîkayê (AAA), navîniya bihayê mazotê li Amerîkayê gihîşt asta herî bilind a dîrokî, yanî 6,23 dolar ji bo her galonekê.
Daxuyaniya Trump wekî pêşveçûneke nû ya têkildarî pêvajoya agirbesteke muhtemel hate dîtin; pêvajoyeke ku armanca wê derxistina binesaziya enerjiyê ji lîsteya armancên şer e.