Trump pîrozbahî li Zeydî kir

RûpelNews - Serokê Amerîkayê Donald Trump bi Elî Falih Zeydî re, ku ji bo avakirina hikûmetek li Iraqê hatibû erkdarkirin, telefon kir.

Li gorî daxuyaniyek ji Ofîsa Çapemeniyê ya Zeydî, Trump ji ber ku erkê avakirina kabîneya nû lê hatiye dayîn, pîrozbahî li Zeydî kir. Serokê Amerîkayê diyar kir ku piştî bi serkeftî temamkirina hewldanên avakirina hikûmetê li Iraqê, ew dixwaze li Qesra Spî mazûvaniya Zeydî bike û vexwendinek fermî pêşkêş kir.

Di axaftinê de, hate teqez kirin ku divê têkiliyên stratejîk ên di navbera Bexda û Washingtonê de di hemî waran de "li ser bingeha berjewendiyên hevbeş" werin pêşve xistin, û pabendbûna bi hevkariya ji bo avakirina aştî û aramiyê li Rojhilata Navîn hate dubare kirin.

Trump, Iraqeke bê teror dixwaze

Ji aliyekî din ve, Trump, piştî pêwendiya xwe ya bi telefonê, li ser hesabê xwe yê medyaya civakî, ji Elî Zeydî re serkeftin xwest û got:

"Pîrozbahiyê li Elî Zeydî dikim, ku wekî Serokwezîrê Iraqê yê bê hatiye destnîşankirin! Em di avakirina hikûmeteke nû de ku dikare ji bo gelê Iraqê pêşerojeke geştir, bê teror ava bike, serkeftinê jê re dixwazin. Em li benda serdemeke nû ya têkiliyeke xurt, zindî û pir berhemdar di navbera Iraq û Amerîkayê de ne."

Di berdewamiya peyama xwe de, Trump diyar kir ku ev pêşketin "destpêka sezoneke nû ya mezin" di têkiliyên di navbera her du neteweyan de bû; wî serdemeke geşbûn, aramî û serkeftineke bêhempa xwest.