Trump îmze kir: Gola Ontarioyê wekî 'Gola Amerikayê' bi nav kir

RûpelNews - Serokê Amerîkayê Trump li Qesra Spî di merasîmeke îmzekirinê de biryarnameyeke serokatiyê îmze kir ku Gola Ontarioyê ji nû ve bi nav dike.

Di daxuyaniya xwe ya derbarê biryarnameyê de Trump destnîşan kir ku gola navborî di navbera New York û Ontarioyê de ye û ku pir xwezayî ye ku navê wê bibe 'Gola Amerîkayê'.

Trump ku biryarnameya serokatiyê ya ku pêşniyar dikir ku Kendava Meksîkayê wekî 'Kendava Amerîkayê' were binavkirin bi bîr anî û got ku ew ji ber avêtina vê gavê gelek kêfxweş e.

Trump beriya rojekê di hisaba xwe ya medyaya civakî de wiha gotibû: "Ji ber ku Dewletên Yekbûyî êdî hêvî nake ku zêde kar bi Ontarioyê re bike, ew bi ciddî li ser wê yekê difikire ku navê Gola Ontarioyê wek Gola Amerîkayê biguherîne. Spas ji bo eleqeya we ya ji bo vê mijarê!"