Trump: Dibe ku ez xwe ji bo Serokwezîriya Îsraîlê berbijêr bikim

RûpelNews - Serokê DYAyê Donald Trump geşedanên li Rojhilata Navîn û şerê Îranê şîrove kir. Trump di bersiva pirsên çapemeniyê de îdia kir ku li Îsraîlê piştgiriya wî ji sedî 99 e û got, "Dibe ku ez xwe ji bo Serokwezîriya Îsraîlê berbijêr bikim."

Trump lê zêde kir û got, "Dibe ku piştî serokatiya DYAyê, ez biçim Îsraîlê û ji bo Serokwezîriyê bimeşim."

Trump îdiaya xwe li ser bingeha rapirsiyekê ava kir.

Rapirsiyeke ku di navbera 14 û 18ê Gulanê de ji aliyê Ajansa Associated Press (AP) û Navenda Lêkolînên Karûbarên Giştî ya NORC ve hatibû kirin, nîşan da ku rêjeya pejirandina giştî ya Trump li DYAyê ji sedî 37 e. Encamên rapirsiyê eşkere kirin ku hema hema hemû Demokrat ji performansa Trump a serokatiyê nerazî ne.