Trump bo Îranê: Êdî gelek dereng e
RûpelNews - El Cezîreyê ragihand, Donald Trump îdia kir ku kapasîteya leşkerî û kadroya serokatiyê ya Îranê li herêmê bi awayekî cidî lawaz bûye.
Trump diyar kir ku rêveberiya Tehranê tenê piştî ku derbên giran xwarin, hewl da ku têkiliyeke dîplomatîk deyne û got, "Sîstemên wan ên parastina hewayî, hêza hewayî, hêza deryayî û serokatiya wan nemane. Ew dixwazin biaxivin. Min got, 'Êdî gelek dereng e.'"
Trump diyar kir ku wî bi awayekî neyînî bersiv da daxwaza danûstandinê ya aliyê Îranê, û tekez kir ku li gorî şert û mercên heyî, vegera li rewşa berê ne mimkun e.
Êrîşên Amerîka û Îsraîlê li ser Îranê
Îsraîl û Amerîkayê di 28ê Sibatê de êrîşên leşkerî li dijî Îranê dan destpêkirin.
Îranê jî bersiva êrîşan da û êrîş kir Îsraîlê û herwiha Qeter, Îmarat û Behreynê, ku baregehên Amerîkayê lê hene.
Di êrîşên Amerîka û Îsraîlê de, rêberê Îranê Ayetullah Elî Xameneyî û gelek rayedarên pilebilind hatin kuştin.
Li gorî daxuyaniyeke Heyva Sor a Îranê, di êrîşên ku 504 cih li 153 wargehan kiribûn hedef, 787 kes hatin kuştin.