Trump bertek nîşanî NATOyê da
RûpelNews - Serokê Amerîkayê Donald Trump li ser vê mijarê bi rêya hesabê xwe yê medyaya civakî peyamek weşand.
Trump diyar kir ku êdî 'pêdivî' nîne ku welatên NATOyê tevlî pevçûna herêmî ya ku ji aliyê Amerîka û Îsraîlê ve li dijî Îranê hatiye destpêkirin bibin an jî ku ew nexwazin alîkariyeke wiha pêşkêş bikin.
Trump, ragihand ku wî ji piraniya hevpeymanên NATOyê agahî wergirtiye ku ew naxwazin tevlî operasyona leşkerî ya li dijî Îranê ya ku ji aliyê Amerîka û Îsraîlê ve tê birêvebirin bibin got, "Lêbelê hema hema her welatekî bi xurtî piştgirî da tiştê ku me dikir û di bin ti şert û mercî de nabe ku rê were dayîn Îran çekên atomî bidest bixe."
Trump herwiha got, "Lêbelê, vê tevgerê ez şaş nekirim ji ber ku min her tim NATO ya ku em her sal bi sedan milyar dolarî jê re xerc dikin da ku van welatan biparêzin wekî rêyeke yekalî dîtiye. Em dê wan biparêzin, lê ew ê ji bo me tiştekî nekin, bi taybetî dema ku em hewceyî wan bin."
'Ti carî pêdiviya me pê nebû'
Trump, ku îdia kiribû wan artêşa Îranê û serokên wê yên di astên cuda de ji holê rakirine, got, "Ji ber ku me serkeftineke leşkerî ya ewqas mezin bi dest xistiye, êdî 'pêdiviya' me bi alîkariya welatên NATOyê nîne an jî em naxwazin. Ti carî pêdiviya me pê nebû. Bi heman awayî, pêdiviya me bi alîkariya Japonya, Awustralya an jî Koreya Başûr jî nîne."
Di hevpeyvîneke berê de, Serokê Amerîkayê Trump hişyarî dabû ku têkçûna hevpeymanên NATOyê di misogerkirina ewlehiya Kendava Hurmuzê de dê "ji bo pêşeroja NATOyê pir xirab be."