Termên Silêmanî û Muhendîs li Ahwaz a Îranê hatin pêswazîkirin

PeyamaKurd – Televizyona dewleta Îranê ragihand ku termê Fermandarê Hêza Qûds a Îranî Qasim Silêmanî û Cîgirê Serokê Heşda Şeibî Ebû Mehdî Muhendis ku bi operasyoneke li Bexdayê ji aliyê Amerîkayê ve hatin kuştin, gihîştine bajarê Ahwaz ê Îranê.

Hat zanîn ku termê Qasim Silêmanî li bajarê Ahwaz ê başûrê rojavayê Îranê bi merasîmeke fermî hatiye pêşwazîkirin û piştî merasîma li Ahwazê jî dê li bajarê wî Kirmanê were definkirin.

Li gorî dîmenên hatine belavkirin, termê Silêmanî bi ala Îranê pêçayî û ji aliyê kesên cilûbergên reş ve hatiye pêşwazîkirin.

Herwiha hat ragihandin ku termê Ebû Mehdî Muhendîs jî bo Ahwazê hatiye şandin.