Telegrafê bajarê Erdogan analîz kir: Derz heye!

PeyamaKurd – Di nûçeya Rojnameya The Telegraphê de ku beriya hilbijartinên Tirkiyeyê li Rîzeyê nêrînên xwe parve kir û got, "Berçûniya jiyanê û westandina rêveberiya Erdogan derfetê dide muxalefetê ku wî bişîne."

Çapemeniya cîhanê li ser hilbijartinên pêşwext ên li Tirkiyeyê berdewam dike. Nûçe û analîzên ku li ser encamên muhtemel ên hilbijartinan û bandora van encaman tên lêkolînkirin berdewam dikin.

Nataliya Vasilyeva û Deniz Bariş Narli ji rojnameya The Telegraphê jî di nûçeya xwe ya bi sernavê "Derzên di binkeya dengdêrên Erdogan de" de nêrînên xwe yên ji Rîzeyê cih girtin.

Hate şîrovekirin ku li hemberî qeyrana lêçûna jiyanê û daxwaza guhertinê, kontrola Serokkomarê Tirk Recep Tayyîp Erdogan a li ser hilbijêran sist dibe.

Rojnameya Telegraphê bi bîr xist ku Rîzeyê ku afîşa bi nivîsa 'Hûn bi xêr hatin welatê Serokatiyê' ziyaretvanan silav dike, ev demeke dirêj e bûye navenda piştevaniya Erdogan û partiya wî AKPê.

Rojnameyê herwiha got, "Lê belê giranbûna lêçûna qeyrana jiyanê û westandina rêveberiya Erdogan, yekem şansê rast ê muxalefetê da ku wî bişîne."

'Dema guhertinê ye'

The Telegraphê bi bîr xist ku di anketan de Erdogan li pişt namzedê Serokomariyê yê Tifaqa Netewî û Serokê Giştî yê CHPê Kemal Kiliçdaroglu ye û tekez kir, "li bajarê wî jî hilbijêr li ser wê yekê dubend in ku serokê herî demdirêj ê Tirkiyeyê li ser desthilatdariyê bimîne an na."

Cotkarê çayê Kemal Sendenîz ê 60 salî ji rojnameyê re axivî û got, "Min ji ber du sedeman dengê xwe da AKPê. Ya yekem başbûna binesaziyê bi taybetî li nexweşxaneyan bû. Ya duyemîn jî Erdogan cihekî bi qîmet da me di qada navneteweyî de. Lê niha dema guhertinê ye, êdî bes e."