Swîsre ji Tehranê vekişiya: Şer dikare li herêmê belav bibe

RûpelNews - Swîsreyê ragihand ku wan ji ber metirsiyên ewlehiyê yên zêde yên piştî êrîşên Amerîka û Îsraîlê, balyozxaneya xwe ya li Tehranê bi awayekî demkî girtiye.

Di daxuyaniyeke Wezareta Derve ya Swîsreyê de hat ragihandin ku balyozxaneya li Tehranê "ji ber belavbûna şer û zêdebûna metirsiya ewlehiyê" hatiye girtin, ev yek piştî êrîşên hewayî yên Amerîka û Îsraîlê yên li ser Îranê û êrîşên mûşekî û dronî yên Îranê yên li ser bingeha Amerîkayê yên li herêmê, bi taybetî li welatên Kendavê, pêk hatiye.

Balyoz û dîplomat ji Îranê derketin

Di daxuyaniyê de hat gotin ku balyoz û pênc dîplomat bi rêya bejayî bi ewlehî ji Îranê .

Wezaretê diyar kir ku "dema ku rewş destûr bide, dê amadekarî bên kirin ku personelên dîplomatîk vegerin ser karên xwe."

Daxuyaniyê her wiha tekez kir ku "Swîsre dê ragihandina dîplomatî di navbera Dewletên Yekbûyî û Îranê de bidomîne; ev peywireke ku di çarçoveya rola welêt wek navbeynkarekî bêalî de tê meşandin e."