Sirri Sakik: Demirtaş û Mizrakli girîngiyê didin pêvajoya aştiyê

RûpelNews - Sakik piştî derketina ji girtîgehê axivî û piştre dîmenên wê ziyaretê li ser hesabê xwe yê Xê parve kir.

Sakik da zanîn ku rewşa tenduristiya Demirtaş û Mizrakli baş e û got:

"Ew girîngiyeke mezin didin vê pêvajoya çareseriyê. Ew hewl didin ku di çarçoveya derfetên xwe de piştgiriyê bidin. Ew diyar dikin ku pêdiviya Tirkiyeyê bi aştiyê heye. Tevî ku ev deh sal in bi awayekî neheq di girtîgehê de ne jî, ew ji hucreyên xwe ve berdewam dikin ku parêzvaniya aştiya li Tirkiyeyê bikin."

Sakik ev tişt anîn ziman:

"Îro min Selahattin Demirtaş û Selçuk Mizrakli li Girtîgeha Edirneyê ziyaret kirin. Ji ber baweriya wan a bi aştiyê, bi salan e ku ew ji azadiya xwe bêpar mane. Tevî vê yekê jî, wan di warê baweriya xwe ya bi aştiyê û biryardariya xwe ya ji bo çareseriyeke demokratîk de, tu carî gavek jî paşve neavêtine. Ew îro jî bi heman hêzê vê biryardariyê didomînin û silav û hezkirina xwe ji hemû kesan re dişînin."

Sakik her wiha anî ziman ku Demirtaş û Mızraklı silavên xwe ji hemû gelên Tirkiyeyê re şandin.