Serokwezîrê Iraqê piştî vegera ji Washingtonê dê serdana Îran û Tirkiyeyê bike
RûpelNews - Berdevkê Hikûmeta Iraqê Heyder Ebûdî, di daxuyaniyekê de ji Rûdawê re ragihand ku Serokwezîr Zeydî xwe ji bo gera berfireh a hevdîtinên dîplomatîk amade dike û dê serdanên fermî li Îran û Tirkiyeyê bike.
Pêşî diçe Îranê
Li gorî agahiyên ku ji Wezareta Derve ya Iraqê hatine wergirtin, rawestgeha yekem a Serokwezîr Zeydî dê Îran be. Tê payîn ku serdan, ku ji bo dawiya vê hefteyê hatiye plankirin, li ser têkiliyên stratejîk û hevkariya di navbera her du welatan de bisekine.
Piştî serdana Îranê, tê payîn ku Zeydî ji bo berdewamkirina hevdîtinên xwe biçe Tirkiyeyê.
Ewlehî û hevkariya herêmî di rojevê de ne
Berdevkê Hikûmetê Heyder Ebûdî diyar kir ku serdan li ser bingeha ' berjewendiyên hevpar' hatine plankirin û lê zêde kir ku di hevdîtinan de dê ne tenê têkiliyên dualî, lê herwiha geşedanên herêmî jî bi awayekî berfireh bên nirxandin.
Ebûdî got ku gavên ku dikarin ji bo xurtkirina ewlehî û aramiyê û kêmkirina aloziyê li herêmê bên avêtin jî dê di rojevê de bin.
Gera duyem a derveyî welat ji dema destlêkarîyê
Serokwezîr Îraqê Elî Falih Zeydî , yê ku di 13ê Tîrmehê de dest bi kar kiribû, serdana xwe ya yekem a fermî ya derveyî welat li Dewletên Yekbûyî yên Amerîkayê kiribû.
Rêveberiya Bexdayê pêşxistina têkiliyên bi welatên cîran re û vekirîhiştina kanalên diyalogê ji bo çareserkirina pirsgirêkên herêmî di nav pêşîniyên siyaseta xwe ya derve de dihesibîne.
Di vê çarçoveyê de, serdanên ji bo Îran û Tirkiyeyê ji aliyê peywendiyên dîplomatîk ên ku armanca wan xurtkirina hevkariya herêmî ye, girîng tên dîtin.