Serok Barzanî werzişkarê kurd Namo Fazil pîroz kir

RûpelNews - Serok Mesûd Barzani pîrozbahiyê li werzişkarê kurd Namo Fazil kir, ku bi têkbirina reqîbê xwe yê Amerîkî di turnuvaya Hunerên Şer ên Têkel (MMA) de ku duh li Los Angeles, Amerîkayê hat lidarxistin, serkeftinek mezin bi dest xist.

Serok Barzanî di peyama xwe ya li ser hesabê xwe yê fermî yê X de ji bo Namo Fazil got, "Ew çavkaniya şanaziyê ye ji bo hemû Kurd û Kurdistanê," û ev îfade bi kar anîn:

"Ez şampiyonê navneteweyî, werzişkarê ciwan û jêhatî yê kurd Namo Fazil, ji bo serkeftina wî ya berbiçav di pêşbirên MMA yên li Amerîkayê de pîroz dikim. Ew çavkaniya şanaziyê ye ji bo hemû kurd û Kurdistanê. Ez ji wî re serkeftin û pêşveçûna berdewam di kariyera wî de dixwazim."

Li Los Angeles, Amerîkayê, di saetên serê sibê yên roja Yekşemê, 17ê Gulana 2026an de, Namo Fazil di MMAyê de serkeftinek girîng bi dest xist, bi serbilindî ala Kurdistanê nîşan da.