Serok Barzanî û Balyozê Îranê rewsa herêmê gotûbêj kirin

PeyamaKurd - Serok Barzanî pêşwaziya Balyozê Îranê li Bexdayê kir û di wî hevdîtinê de rewşa siyasî û pêşhatên Iraq û herêmê gotûbêj kirin.

Serok Barzanî li Selaheddîn pêşwaziya Îrec Mescidî Balyozê nû yê Komara Îranê li Iraqê kir.

Di hevdîtinê de peywendiyên di navbera Herêma Kurdistanê û Komara Îslamî ya Îranê gotûbêj kirin û ronahî xistin ser çaremîn konferansa pêşxistina pêwendiyên aborî yên di navbera Herêma Kurdistanê û Komara Îslamî ya Îranê de ku li bajarê Hewlêrê hatiye sazkirin û bi pêngaveke girîng û serkeftî dan zanîn ku dibe sedema bihêztirbûna pêwendiyên aborî yên di navbera Herêma Kurdistanê û Komara Îslamî ya Îranê de.

Herwiha di civînê de derbarê rewşa siyasî û pêşhatên Iraq û navçeyê de danûstandina bîr û ramanan kirin.

Hêjayî gotinê ye di vê civînê de Murteza Ebadî Konsolê Komara Îslamiya Îranê li Hewlêrê amadebû.