Serkirdeyê YNKê Seîdî Pîre serdana Serokwezîr Barzanî kir

PeyamaKurd - Serokwezîrê Herêma Kurdistanê Mesrûr Barzanî pêşwaziya Endamê Mekteba Siyasî yê Yekîtiya Niştimaniya Kurdistanê (YNK) Seîdî Ehmed Pîre û şanda ligel wî kir.

Seîdî Ehmed Pîre li ser navê (YNK) di serdana xwe ya îro de, pîrozbahî li Serokwezîrê Herêma Kurdistanê Mesrûr Barzanî û kabîneya nû ya Herêma Kurdistanê kir û piştevaniya YNKê bo kabîneya nû ya Herêma Kurdistanê û Serokwezîrê Herêma Kurdistanê Mesrûr Barzanî derbirî.

Serokwezîr Mesrûr Barzanî jî ji aliyê xwe ve spasiya şanda mêvan a YNKê kir û da zanîn ku hikûmeta nû ya Herêma Kurdistanê hikûmeta xelkê Herêma Kurdistanê ye û dê beyî ti ciyawaziyan xizmetguzariyê bo xelkê Herêma Kurdistanê bike.

Barzanî di civînê de got ku pêwîste partiyên siyasî jî alîkariya hikûmetê bikin daku hikûmet karibe karnameya xwe bicih werîne.