Senator Graham: Bersiveke xurt û kurt pêwîst e

RûpelNews - Senatorê Komarî yê Amerîkî Lîndsey Graham di parvekirineke li ser platforma medyaya civakî Xê de diyar kir ku ew bi nêzîkatiya Serokê Amerîkayê Donald Trump a ji bo Îranê bawer e. Graham helwesta Îranê ya li Tendava Hurmizê û herêmê wekî "tundûtûj" bi nav kir û anî ziman ku rejîma Tehranê danûstandinên bi niyeta baş red dike.

"Îran lawaz bûye”

Graham anî ziman ku her çend ew bawer dike ku Îran ji aliyê leşkerî û aborî ve bi awayekî berbiçav lawaz bûye jî, ew dîsa jî polîtîkayeke wêrek û êrîşkarîtir dimeşîne. Graham diyar kir ku bersiveke kurt lê xurt di rewşa heyî de dikare hevsengiya hêzê biguherîne û tekez kir ku divê danûstandinên bi Îranê re ji "pozîsyoneke hêz û serdestiyê" werin meşandin.

"Tenê danûstandin bi serê xwe ne bes in"

Senatorê Amerîkî got ku tenê domandina danûstandinan bêyî bersiveke xurt dikare pevçûnê dirêj bike, di nav hevalbendan de gumanan çêbike û rejîma Îranê hê bêtir wêrek bike.