Rûsyayê piştî rejima Esad, balyozê xwe yê nû li Şamê destnîşan kir

RûpelNews - Li gorî biryarnameyên serokatiyê yên ku li ser portala fermî ya yasayî ya Rûsyayê hatine weşandin, Dogadkin wekî balyozê nû hatiye erkdarkirin; bi vê yekê re erkê dîplomatîk ê Yefimov, yê ku bi salan li Şamê xizmet kiribû, bi dawî bû.

Dmitry Dogadkin ê ku di sala 1967an de ji dayik bûye, piştî qedandina xwendina xwe li Enstîtuya Dewletê ya Têkiliyên Navneteweyî ya Moskowê di sala 1990î de, tevlî xizmeta dîplomatîk a Rûsyayê bû. Ev dîplomatê xwedî ezmûn, ku bi awayekî baş bi zimanên Erebî û Îngilîzî diaxive, di warê dosyeya Sûriyeyê de xwedî zanyariyeke kûr e.

Dogadkin di navbera salên 2009 û 2013an de li Balyozxaneya Rûsyayê ya li Şamê wekî şêwirmendê payebilind kar kir. Piştre, wî li Wezareta Karên Derve ya Rûsyayê di beşên têkildarî Rojhilata Navîn û Bakurê Afrîkayê de erkên cûrbecûr girtin ser xwe. Dogadkin di navbera salên 2017 û 2021ê de wekî Balyozê Rûsyayê li Omanê xizmet kir û herî dawî jî ji sala 2021ê heta Tîrmeha 2026an erkê Balyozê Rûsyayê li Qatarê bi cih anî.