Cîhan
Rêvebirê Amerîkayê ji ber şerê Îranê îstîfa kir
Rêvebirê Navenda Têkoşîna li Dijî Terorê ya Neteweya Amerîkayê Joseph Kent ji ber şerê li Îranê rexne li rêveberiya Donald Trump kir û dev ji karê xwe barda.
RûpelNews - Di roja 18emîn a şerê Amerîka-Îsraîl û Îranê de ji Washingtonê xebera îstîfayê hat belavkirin. Rêvebirê Navenda Têkoşîna li Dijî Terorê ya Neteweya Amerîkayê Joseph Kent bi nameyekê îstîfaya xwe ragihand û di mijara şerê li Îranê de rexne bir ser siyasete Amerîkayê.
Kent got: “Wijdana min qebûl nake ku piştgiriya şerê li dijî Îranê bikim. Iran ji bo welatê me gefek nîn e. Ev şer bi fişara Israil û lobiya wî ya li Amerîkayê hate destpêkirin.
Kent di nameya xwe de bi taybet rexne li siyasete Trump a li ser Rojhilata Navîn kir û amaje kir ku beşdarbûna Amerîkayê bo şer xelet e û ji bo gelê Amerîkayê tu feydeya vê yekê tune.