Reuters: Rûyê Mucteba Xameneyî nayê naskirin

RûpelNews - Sê çavkaniyên ji Reutersê re axivîn diyar kirin ku Mucteba Xameneyî ku wek rêberê nû yê Îranê hatiye destnîşankirin, di êrîşên Amerîka-Îsraîlê de bi giranî birîndar bûye. Hat ragihandin ku Xameneyî, di êrîşa ku tê de bavê wî hatibû kuştin de birîndar bûbû, rû û lingên wî bi giranî birîndar bûne. Çavkaniyan, ku gotin pêvajoya başbûna Xameneyî berdewam e, diyar kirin ku rûyê wî "nedihat naskirin".

Her çend hatibû destnîşankirin ku Xameneyî ji her du lingên xwe bi giranî birîndar bûye jî, çavkaniyên nêzîkî wî diyar kirin ku birînên rêberê 56 salî sax dibin û tekez kirin ku tenduristiya wî ya derûnî jî baş e. Çavkaniyek ku bi nirxandinên îstixbarata Amerîkayê re agahdar e, ji Reutersê re got ku tê bawer kirin ku Xameneyî yek ji lingên xwe winda kiriye.

Berpirsekî navê wî nehat diyarkirin got ku Xameneyî bi berpirsên payebilind re bi rêya konferansê hevdîtinek pêk aniye û destnîşan kir ku ew di pêvajoyên biryargirtinê yên li ser mijarên sereke de, di nav de şer û danûstandinên bi Washingtonê re, jî cih digire.

Derbarê cihê Xameneyî, rewşa wî, an jî şiyana wî ya birêvebirina welêt de ti agahî bi raya giştî re nayê parvekirin.