Rageşiyeke nû li ser sînorê Afganistan û Pakistanê derket

RûpelNews - Tê gotin ku artêşa Afganistanê li ser xeta Durand, ku sînorê fiîlî di navbera herdu welatan de pêk tîne, êrîşî çeperên leşkerî yên Pakistanê kiriye.

Li gorî nûçeya TOLOnewsê, ku çavkaniyan vedibêje, artêşa Afganistanê çeperên leşkerî yên Pakistanê li ser xeta sînor li navçeya Dand Patan a parêzgeha Paktia hedef girtiye.

Her wiha di nûçeyê de hat îdîakirin ku topek ji aliyê Pakistanê ve di dema pevçûnan de hatiye avêtin, li malekê li herêma Kot a navçeya Dand Patanê ketiye. Hat îdîakirin ku di bûyerê de kesek hatiye kuştin û çend kesên din jî birîndar bûne.

Her çend hat gotin ku pevçûnên li ser sînor bandor li sivîlan kirine jî, lê hîn ji her du aliyan ve derbarê bûyerê de daxuyaniyek fermî nehatiye dayîn.

Rageşiya di navbera Pakistan û Afganistanê de

Rageşiya li ser sînorê di navbera Pakistan û Afganistanê de di Sibata 2026an de bi êrîşên beramberî zêde bû. Pakistanê di bersiva êrîşên TTPê yên li welêt de "kampên terorê" yên li ser sînorê Afganistanê hedef girt; hikûmeta Afganistanê jî êrîş li ser tesîsên leşkerî yên Pakistanê kir.

Her du aliyan jî hejmarên qurbaniyên cuda ragihandin. Krîzek wisa berê di Cotmeha 2025an de qewimî, û di Mijdara 2025an de li Stenbolê danûstandinên agirbestê hatin lidarxistin, lê bê encam.