Qeterê sê pîlotên Îranî dîl girtin
RûpelNews - Fermandarê Komîteya Lêgerîna Kesên Winda yên Sererkaniya Giştî ya Hêzên Çekdar ên Îranê Mihemed Baqirzade, ragihand ku piştî xistina balafirên wan ên şer, sê pîlotên Îranî Cewad Salihî, Ebdulmecîd Deştyan û Îmran Behruşiyan ev şeş meh in ji aliyê Qeterê ve dîl hatine girtin.
Baqirzade di nameyekê de ku hûrgiliyên bûyerê ji bo Mîrjana Spoljaric Egger, Seroka Komîteya Navneteweyî ya Xaça Sor, vedibêje, diyar kir ku di 2yê Adarê de di nava şerê berdewam ê ku ji ber êrîşên Amerîka û Îsraîlê derketibû du balafirên şer ên cureya Su-24, dema ku ji operasyoneke şer a li dijî baregeheke leşkerî ya dijmin vedigeriyan, rastî lêdana pergalên berevaniya hewayî ya dijmin hatin.
Baqirzade bi gotina ku pîlotan xwe ji balafiran avêtine derve —ku yekî ji wan jiyana xwe ji dest da û sêyên din jî bi saxî ji aliyê hêzên Qeterî ve hatin girtin wiha got: "Mixabin, tevî derbasbûna şeş mehan ji wê rojê ve, hikûmeta Qeterê mafên nayên binpêkirin ên van dîlan paşguh kiriye û binpê kiriye; ev yek li dijî hemû yasay û rêziknameyên navneteweyî ye —di nav de çar Peymanên Cenevreyê yên têkildarî pêwîstiya rêzgirtina li mafên dîlên şer."